現年27歲嘅龔嘉欣，舊年憑住《幕後玩家》一幕幕喊戲，成功令更多人識佢，更認同佢演技。其實龔嘉欣係個有料之人，先講佢出身，16歲時經朋友介紹做雜誌硬照模特兒，後來入讀演藝學院戲劇學院修讀戲劇文憑，同時佢識跳舞，唔係普普通通嗰啲，佢學過西方民族舞，並精通踢躂舞、爵士舞、Jazz funk以及拉丁舞等。