性格豪爽嘅曾志偉，平時成日同朋友大飲大喝，結果出事啦！患上「富貴病」痛風症，最近仲要坐輪椅出入，關節痛到行唔到路。有記者聯絡佢，佢就話已經好番好多，叫大家唔使擔心。

而志偉個仔曾國祥就話老爸早排去海外拍內地綜藝節目時，對腳開始覺得痛，當時有勸佢小心身體。但唔會勸佢戒酒，因為佢知道勸到唔會勸到，不過佢亦都唔係咁擔心，因為老爸年紀大咗，佢自己都會識得注重身體，只要佢健健康康，開開心心，做仔女嘅就會開心。