今季舉行過三次沙田泥地夜賽，共24場賽事，以練馬師方嘉柏贏六WIN成績最好，換言之平均每四場便有一場由方廐馬勝出。

值得留意係近兩次沙田泥地夜賽，方廐用王牌報名之「喜得龍」、「雲呢拿」、「想贏就贏」及「傾心星」共獲三勝一位佳績，今次方嘉柏替「傾心星」及「永恆光輝」出王牌，當然有重視必要。

今晚(5日)第八場三班1650米泥地，「傾心星」三戰泥地獲兩勝，而且俱屬夜賽，證明本身擅於摸黑出擊，上仗跑同程入直路後一直受困，根本未能發揮真正威力，今仗出王牌再報強項，只要決勝階段盡快望空唔好再塞車，有力回復表現。

至於方嘉柏另一匹王牌馬，第一場五班1200米泥地之「永恆光輝」，18戰跑草地仍未嘗一勝，不過卻經常跑得接近，今次毅然轉爭泥地賽，睇番在港唯一曾角逐泥地賽之同父馬「智愛」初跑即入Q，場地性能不用多懷疑，話唔定可以取得突破。