旺角廣華街近煙廠街交界行人路，昨日被放置近300箱化妝及防曬用品，紙箱寫有「カシリー卸妝液（500ML） 6個入」（卸妝液）、「KASSILY 水感UV スキンケア 48個入」（防曬液）、「보습이 촉촉하다 아쿠아 링 앰플 마스크」（保濕面膜）字句，警員亦一度到場調查。直至今日凌晨約1時，仍有近百箱原封不動被棄置，但其餘已拆箱，相信被附近街坊及市民取走。有街坊表示，前晚已發現該批化妝及防曬用品。

記者在場拍攝期間，有兩名女街坊結伴前來查看，其中一名懂得日文的街坊表示不認識這個牌子，「見過有啲舖頭有得賣，但係咪正牌定咩我就唔識睇。如果平時嗰啲，幾十蚊㗎都起碼，呢啲九成九係流嘢。」

其後她拿起一樽防曬液，指其包裝及圖案與另一牌子十分相近，但包裝上的「日文字句」，與真正日文字句有別，「日本字體唔係咁寫，可能用嚟塗手塗腳，塗面就用好啲嘅。」她最後拿走一樽防曬液，表示會贈於友人，「有朋友做運動，曬得多，話畀佢聽塗手塗腳囉，應該OK嘅。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568