【搞到報警】葉翠翠被菲傭詆毀 網上公開惡行:不想有第二個家庭受害
葉翠翠菲傭
37歲05年港姐冠軍葉翠翠,自從17年誕下長子Jake後開始減少於電視出現,翌年更誕下次子Triton,上月更在社交網站貼出超聲波相片,宣佈即刻三年抱三。雖然葉翠翠自從升格做人母之後已經將心思全面投放在家庭上,不過「雙拳難敵四手」,早前葉翠翠就僱用了兩名菲傭分擔家務,卻換來不愉快經歷。
今日葉翠翠在社交網站貼出兩名菲傭的部份樣貌及部份證件圖片,並撰文道:「現在的工人真係好差!!本來已不打算公開!但這兩個菲律賓工人逐個粉絲發訊息,實在忍無可忍!如果大家收到這些訊息,記得要幫我舉報佢。」由葉翠翠的圖片中可見,有人在社交網站以英文私訊表示:「葉翠翠是一個自私自利的醜惡婊子,沒有傭工可以忍受她差劣的態度。」
葉翠翠又寫道:「做咗24日博炒,話自己唔會做嘢,叫我炒佢,仲要我補一個月(薪金)。當日請咗兩個菲律賓工人,來到發現原來從未試過工作,agent講大話,工人講大話,而且發現係兩姊妹。先後大大聲話唔再工作,叫我炒佢,一個做咗24日,另一個做咗1個月零9日(9月2剛離職)。兩個都係講明要我炒佢,補錢!」
葉翠翠續表示:「仲話要去菲律賓領事館投訴我,我一啲都唔驚,我跟足勞工法例做,agent去到領事館,都係個賓妹輸咗!Interview講得清清楚楚有兩個仔,年齡,全部講清楚,但係來到之後兩個都話唔想照顧。」
然後葉翠翠開始大數兩名菲傭惡行:「搣我細仔,B水壺/水杯從來唔洗,抹碗布和地布夾在一齊,士多啤梨唔洗就畀小王子食,打開雪櫃自己煲雞湯飲,種種惡行不能盡錄,看盡人性醜惡。」
最後葉翠翠說:「今次公開,係不想有第二個家庭受害,我都已經去信入境處。另外一個離職時我仲有報警求助。希望大家都小心。」
-----------------------------
【撐學生】
召集有心人 撐學生全年睇《蘋果》
立即按此 葉翠翠的Fans收到詆毀葉翠翠的私訊。(FB圖片)