韓國男團SHINee嘅27歲成員溫流本月中捲入性騷擾事件，被指喺夜店非禮一名女性，溫流方面解釋因飲醉酒可能無意識觸摸到對方，事後女方雖然撤控，但因警方已立案調查，不過韓國傳媒就報道因為溫流冇前科，所以有機會唔會被檢控。而溫流早前已落賁冇得出演《青春時代2》。

不過自從爆出捲入非禮事件，溫流形象深受影響，就連追隨佢多年嘅粉絲團都紛紛關閉，原本只得一個粉絲團宣佈關站，但之後陸續有粉絲團關站，前後有成五個粉絲團都話關站。不過粉絲團就冇透露關站原因，只留言：「謝謝多年來付出」。

而幾個網站加起來都有超過10萬人追蹤，由於佢哋都喺差不多時間關站，自然令人揣測係唔係因為溫流捲入性騷擾案件，令到粉絲都決定唔再支持佢。