2012年發生DR美容事故後，衛生署終在翌年將「注射」列為「醫療行為」，訂明須由本港註冊醫生進行，否則注射者即屬無牌行醫，今次假醫生也為少女進行注射減肥。有專科醫生擔心，少女接受未獲認證的藥物注射，形同白老鼠，一旦手術有任何意外，酒店沒有足夠醫療設備施行急救，風險極高。

記者：龔蕙芝 劉卓瑩 攝影：周子惇

涉事內地姓何假醫生和香港女中介Yoyo，在網上吹噓不同的微整針劑注射，以「唔賺錢，只求案例」來低價促銷，當中包括埋線減肥及注射美白針。惟整形外科專科醫生何榮潤直指，假醫生的微整方法並非本港醫學界通用，「我哋嘅認知係唔得」。何直言對相關針藥流通感到詫異，「如果一路推出，一路求認證，你即係當啲病人做白老鼠，你唔係進行緊醫療治療，係一個醫療實驗喎。」

何榮潤擔心，過去曾有因靜脈注射而出事個案，如注射不明來歷的配方針劑引發意外就不堪設想，「酒店房間都唔係一個醫療地方，夠唔夠醫療器材去做補救呀，或者搶救？」他認為在酒店行醫一來衛生未如理想，亦欠合資格的醫療設施，「都睇到冇個正當嘅醫療照明系統，個醫生好似帶住個行山頭燈咁樣幫人哋做一個醫療程序，證明嗰個場所根本上好缺乏設施啦」。而且病人在公開場合接受治療亦有欠私隱，情況毫不專業。

關注醫學美容的香港美容監察發起人袁海文亦以「非常之危險」來形容相關情況，同時質疑假醫生的針劑來源，「可以係水貨針，甚至係山寨藥，你點知打入去身體係點？出咗事嘅時候，點樣搵番呢啲針劑，追究責任？」一旦發生事故，因為缺乏單據、醫生執業地址或美容院地址，網上如Instagram和Facebook的資料又可隨時刪除，事主甚至無法證明自己曾接受療程，難以追究責任。

至於網上充斥「微整醫生」到診港澳的宣傳，但操刀者是否註冊醫生、療程在何處進行等資料欠奉，袁海文認為：「好明顯執法個力度，係極度唔理想。」他指現時主要靠各區警署的雜項調查隊，負責處理無牌行醫案件，但所屬警員同時要處理酒牌檢查、按摩院牌檢查、家庭糾紛和企圖自殺等案件，警員又缺乏相關醫學知識，「（警方）根本唔會真係好積極，或者擺（無牌行醫案件）喺一個好重要嘅位置。背後正正反映衛生署同警方，唔係好重視呢啲『醫療罪案』。」

他提醒市民，進行需要醫生負責的美容療程前，應先了解療程的風險及副作用，而且要保留醫生卡片和單據，以保障自己安全。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568