今日是小四至中二學生復課日，惟秀茂坪順天邨一名小四女生墮樓身亡，家長悲傷之餘，對事件茫然，摸不着頭腦。臨床心理學家葉妙妍表示，今次停課達數月之久，比暑假還要長，學童需要重新適應及調節校園生活，建議家長及教師應主動多關心剛復課或即將復課的學童，身心有否異樣，「開門見山」提出疑難和抒緩情緒。

葉妙妍指出，學童輕生原因可以很複雜，很多時並非單一原因，夾雜學業、家庭與朋輩相處等問題，「覺得內疚達唔到老師或家長嘅期望，加加埋埋令到佢一時諗唔開。」

她認為，悲劇發生之前往往有迹可尋，身邊的人留意蛛絲馬迹，如發現他悶悶不樂，「胃口差瞓得唔好、冇晒興趣，總之同平時嘅佢有啲唔同」，甚至言語間透露絕望，神情表現焦慮、情緒低落等，也是一個警號。

葉妙妍提醒不要錯過這些「求救」訊號，「主動關心佢，唔怕直接問佢，係唔係有傷害自己嘅念頭。如果佢真係有呢啲念頭，若有人問佢，佢反而覺得有機會向人傾訴自己嘅問題，就有機會幫佢。」她指最緊要耐心聆聽、注意家居安全、找人陪伴他們協助他們渡過難關。

早前一項調查發現，有6成家長認為子女對復課感到壓力，負責調查的機構亦建議家長每日抽時間多跟子女傾談，以了解他們的情緒及學習情況。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568