「龍床盤」菁雋今日公布價單，最受關注的128方呎龍床盤未有開價，今次最平的單位為8樓32室，實用面積131方呎，價單價285萬元，即係呎價2.175萬元，在屯門以超過兩萬元一呎買張龍床，真係皇帝都變先帝！

本報訪問過附近的準買家，有小姐話龍床盤就算一百萬都唔諗住買，筆者更有朋友笑指，該盤可以用嚟做「生意」，因為打開門一張床，以及有洗手間，整個空間被用盡，不會有一絲浪費。

今次龍床盤因為單位面積細，銀碼自然都細，要上車真係冇乜難度，不過上車容易，唔代表值得上車。金管局近年對上車要求非常嚴格，按揭成數有死線，壓力測試有要求，保障咗銀行，間接亦限制咗一批冇能力又要夾硬上車的買家，令樓市較97年健康好多，不過筆者認為，有按揭有上限，智力測試都應該有下限，因為買得龍床盤嘅買家，得罪講句，智力真係十分有限，所以買單位嘅人，應該要限定智力要在正常水平，否則，買完嘅皇帝都變先帝。

斯郎
https://fb.com/oneroadonebelt/

全球樓行 Dream House零距離
https://hk.feature.appledaily.com/overseasproperty