入行30年嘅日本女星酒井法子，噚日喺東京舉行歌迷活動，與500名海外fans慶祝46歲生日，今次亦係佢相隔20年再同粉絲一齊過生日，現場佢唱出經典歌曲《碧藍色的小兔》，又唱新歌《永遠之寶物》。

酒井法子於2009年與前夫高相祐一吸毒被捕，事隔多年即使佢積極洗底，仍未能翻身，據報道指現酒井仍未能亮相電視節目，加上前夫高相祐一上年底又再因藏有危險藥物被捕，可謂令其形象再次造成打擊。

高相祐一嘅案件前日初審，佢被求刑一年半，案件會於3月3日作出裁決。由於酒井前夫案件喺佢舉行活動前一日審理，酒井為免被追問前夫嘅事，所以歌迷活動都唔安排傳媒採訪。