警務處處長鄧炳強早前在一個訪問中自爆曾當臨時演員，約30多年前演出過高志森執導、黃百鳴監製及主演的電影《開心鬼》，飾演「男主角……旁邊的一個朋友」他更形容自己是「有對白的特約演員」。

當年《開心鬼》以羅明珠、李麗珍、林珊珊一班青春少女擔大旗，男主角除了黃百鳴之外，還有吳少剛。黃百鳴今日在灣仔接受《蘋果》訪問，提起PK鄧曾經當過《開心鬼》臨時演員，他坦言沒半點印象：「當年係1984年，拍《開心鬼》第一集，主要係幾個0靚妹，仲有吳少剛，我就唔知鄧炳強演學生，都係佢自己接受訪問講番出嚟我至知，之後亦都冇特登拎番出嚟睇。」

PK鄧還提到臨記人工有700港元，以當年生活水平是非常高的酬金，黃百鳴笑說：「乜原來以前畀咁高人工㗎？我都唔知，因為臨時演員係製片負責。不過之後聽番製片講，佢唔止拍新藝城一部戲，仲拍過《聖誕快樂》。」問到是否認識警務處處長身份的鄧炳強？他直言：「唔識，冇任何接觸，所以冇乜印象，唔係佢自己講，我都唔知警務處處長幫過我哋拍戲。」

採訪：鍾國仁
攝影：陳慧安

-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》