【吸煙危害健康】關秀媚坐公園亂拋煙頭 陳妍希老公喺坐月中心抽煙
陳妍希陳喬恩陳冠希關秀媚陳曉
陳喬恩同朋友喺餐廳食飯吸煙被網民影到。(資料圖片)
吸煙危害健康!但係圈中都有唔少藝人有吸煙嘅習慣,好似90年代性感女神關秀媚,近10年都絕迹娛樂圈,上年年中,佢就同埋男友李尚文,去到數碼港海濱公園散步,一落車關秀媚煙癮起,邊吸邊行入公園,坐低嘅時候,仲捽熄煙頭,轉手擲入草叢中(嗱!小朋友千祈唔好學,亂拋垃圾係唔啱)。
做咗人媽媽嘅陳妍希都同煙有關係,喺今年年頭,陳妍希生咗囝囝「小星星」,但有讀者向台灣《蘋果日報》爆料,指「小星星」爸爸陳曉竟然喺台灣嘅坐月中心病房內抽煙,煙味仲傳到隔籬房,被工作人員上前勸告之後,仲用力開門走出去,事件發生之後,陳妍希經理人都有回應話陳曉已經道咗歉。
陳冠希喺14年嘅時候,喺中環吸煙,支煙啱啱點起就有fans過嚟搵佢影相,之後合照嗰陣,陳冠希都係手拎住支煙,影完相就吸埋嗰半支煙。
同樣都係14年,一向形象清純嘅台灣女星陳喬恩,同朋友喺餐廳食飯,就被網友拍到抽煙相仲貼埋上網。