觀塘重建項目「凱滙」今晨發生致命工業意外，42歲工人丁金望遭木方擊中頭部，頓失平衡連跌兩層樓在工作平台不治，令一個幸福家庭瞬間破碎，陰陽相隔。27歲的丁太晚上向《蘋果》表示，自己得悉噩耗後隨即由內地趕回香港，可惜未能趕見丈夫最後一面，「我連中午飯都冇食，就不停趕車，諗住見我老公最後一面，而家連佢最後一面都見唔到呀，我握佢對手，對手係冰㗎」。

死者丁金望與第一任妻子育有兩名兒子，17歲長子正在台灣讀書，而14歲次子則在區內一中學讀中四。丁太憶述6年前與丈夫透過微信結識，雖然知道他與前妻有兩名兒子，但形容當時已經一見鍾情，「覺得佢好顧家，成日關心阿仔啲學業，令我最感動嘅就係佢對佢兩個仔非常好，令我覺得可以付託終身」。二人結婚後，她當兩名兒子視如己出，大約一年前更誕下兒子，一家五口樂也融融，「佢成日做嘢返嚟都好辛苦，我都會幫佢揼下骨，今朝同佢傾電話都傾得好哋哋，點知會變成咁」。

憶起與丈夫的相處點滴，丁太哭得肝腸寸斷，「我非常掛住佢，我唔相信佢就咁走咗，我哋一家人咁幸福，點解會變成咁，我唔甘心呀」。她指丈夫是家中經濟支柱，對於他突然離世感到難過，頓失所依，「全家人都係靠佢一個人，而家佢一走，你話我哋成家點算，兩個仔仲讀緊書，仲有一個仲咁細，你話我點算喇」，又坦言會追查丈夫死亡的真相，希望勞工處可以盡快查明原因。

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

你敢爆，我敢獎！ 立即WhatsApp《蘋果》24小時爆相爆片熱線 或致電：63836568