手機用戶請按此觀看Story Map： http://bit.ly/2fwIuBX

尖沙嘴周生生珠寶行，光天化日被3名南亞裔賊匪以大鐵鎚扑爛櫥窗打劫( http://bit.ly/2yb2NMh )。由於正值日間時份，街上行人如鯽，大批市民均目睹賊匪行劫過程。

「扑咗幾吓，用兩個大鐵鎚！」讀者林小姐指，當時行經廣東道，赫見有一名賊匪以大鐵鎚狂扑珠寶行的櫥窗，另一人即在場「睇水」，又有一人駕乘電單車在路旁等候。未幾，眾人疑搶掠了一批珠寶後，即跳上該輛沒有掛車牌的電單車絕塵而去。

當時乘坐公司路經廣東道的讀者蕭先生稱，「見到有兩個南亞裔賊分持大鐵鎚，上咗架電單車，之後個賊的Cap帽都飛咗出嚟，佢哋喺前面轉咗個彎入咗北京道。」

蕭先生形容賊匪表現非常匆忙，「我見街上好多人睇住，同事都大嗌有人打劫、打劫，於是舉起手機將賊匪拍下。」對於又有賊匪在鬧市扑劫珠寶行，蕭先生認為是有一幫人搞事，令香港治安不靖。

你敢爆，我敢獎！ 即Call《蘋果》24小時爆相爆片熱線 ：63836568