【新增《壹週刊》社長回應】

警方周一動用逾200警力搜查《蘋果》大樓，違反人權惡行陸續曝光。《壹週刊》娛樂記者Amy憶述，當日警員早上10時大舉進駐搜查，自己剛好想小便而欲去4樓女廁，但遭男警員阻止，她向警員交涉，「基本人權嘅嘢，就算我犯咗法你都要畀我去。」雙方爭持3、4分鐘，Amy擔心忍不住尿意，她心慌至放棄私隱，主動建議交出手機、開廁所門讓警員監視，但警員仍拒絕放行。最終Amy向路過白衣警官求助，才獲准去廁所。

Amy批評，警方濫權阻止員工去廁所，「我覺得你入嚟（報館）去拉任何一個人，其實我明白，但唔需要去阻攔咁基本嘢，去廁所嘅問題喺邊度？其實我到而家都諗唔明。」她回憶當時很恐慌會在公司失禁，「畀多5分鐘你唔畀我去，我喺度瀨咗，我個陰影好大喎，40歲人喺度瀨尿。」

Amy補充，警方除了限制員工去廁所，亦阻止員工去5樓餐廳吃飯。自己平日中午12時去員工餐廳吃飯，但警方搜查當日，自己被困在4樓，直到下午2時半她向警員交涉，「我肚餓又未食早餐，我需要食嘢，唔係我暈。」最終解圍竟是早上阻止Amy去廁所的男警，該男警稱：「你想去買嘢食？咁你哋畀佢搭電梯上去啦。」

在《壹週刊》擔任娛記Amy當日負責處理曾志偉妻子出殯新聞，故一早返回公司負責「收料」。她指，警員亦有翻查《壹週刊》編採部的文件和資料，包括港聞和娛樂組，直播片段拍攝到警員曾翻查娛樂組編輯的記事簿。

Amy指，當日部份警員態度惡劣，例如有一名女警要求記錄身份證，當Amy收回身份證後用消毒紙巾抹一抹，一旁男警即譏諷：「你咁驚呀噴晒全身，就咁抹邊有用，你唔噴全身？」她指消毒物件只是疫情下常做的事，覺得警員反應幼稚。

《壹週刊》社長黃麗裳指，警方當日搜查觸及《壹週刊》編採部門，「佢有去過財經組啦、去過剪片嗰度，亦都去過我個位。」她指，直播影片顯示，警員曾揭過部份同事記事簿和文件，亦有警員拍攝座位掛上有職銜的名牌。就連榮譽社長楊懷康房間亦遭警員搜查，當日其枱頭放了一本《史記》，「楊懷康話都無乜所謂啦，可能佢都唔識睇。」

黃麗裳指，警員翻閱的筆記簿是新聞材料，暫時未收到報告有文件被警方取走，《壹週刊》管理層會與法律部商討下一步行動。

黃麗裳批評，警方限制記者去廁所是不可接受，「幾個鐘頭（搜查）唔通唔使去廁所咩？佢自己都帶流通廁所嚟啦，呢個係生理需求、人道需求，係咪過份咗呢？」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android