唔通曼聯嘅朗尼時代即將結束！？

是咁的，摩連奴做新魔君首仗響頭炮，帶領紅魔喺熱身賽以2:0擊敗韋根。但係呢場波焦點人物除咗寸王之後，仲有新兵米希達利恩！以2,800萬鎊（約2.9億港元）從德甲多蒙特加盟嘅MK仔，魔兵地標戰好搶鏡，雖然喺37分鐘錯失黃金機會，但呢位27歲嘅亞美尼亞中場踢到好似象徵球隊靈魂人物嘅10號仔咁，搞到魔迷覺得著緊曼聯10號嘅朗尼可有可無，有做廢戥嘅潛質！有cap圖有真相㗎，唔少魔迷都覺得MK仔勁！

@UnitedStandMUFC：米希達利恩可以令朗尼掛靴囉，踢「10號」位堅勁揪！

@jakeheasman：朗尼喺呢隊曼聯仲邊度有碇企呢？魔佬話「9號」位（即係前鋒）或者「10號」位，但前者有伊巴謙莫域，後者有米希達利恩！

@AdamJosephSport：米希達利恩著10號波衫靚仔過朗尼囉！