女團2NE1成員朴春早前被爆曾經試圖走私禁藥，之後朴春以心情為理由，停止參與錄製綜藝節目《Roommate》，不過節目就仲繼續播出佢之前已經錄好嘅集數。

噚日節目嘅工作人員表示，將於27日播出嘅節目將係朴春之前參與錄製嘅最後一集，因為朴春自11日開始已經無再參與拍攝，而佢日後都無繼續重回節目嘅計劃，所以自27日播出嘅節目後，將唔會再出現朴春嘅片段，可以話朴春係正式下車（離開節目）。