當年今日
關於我們

【做10次補唔番1次】搵藝人上大陸登台遭走數 詹秉熙:啲糧惟有自己頂

蘋果日報 2017/06/14 00:02

登台詹秉熙

90年代尾,蓬勃一時嘅三級片開始沒落,詹秉熙就同當時唔少藝人一樣,飛咗去馬來西亞拍劇搵食。「嗰個年代,馬來西亞嗰邊開始興拍唐劇,我同胡渭康、黃子揚、鍾淑慧佢哋就喺嗰邊拍劇,自己一拍就拍咗3年。」詹秉熙形容當時盛況係,放工食飯有成百幾個香港台前幕後嘅藝人、導演一齊,熱鬧過香港。
而一直有喺大陸登台搵外快嘅詹秉熙,近年除咗自己登台,亦會充當中介人,搵香港藝人上大陸工作。講到辛苦難忘處,佢就話:「飲酒囉,佢哋飲嘅係茅台、紅高粱、古綿純呀,一入間房就聞到啲酒味,大陸人又鍾意派煙,食完又派,派完又食,唔想又煙又酒,最後都的起心肝決定戒煙。」
喺大陸縱橫多年嘅詹秉熙,都曾經試過俾人走數搞到一身蟻。「大陸有樣衰,我叫得藝人上去,咁人哋係信你詹秉熙一個,試過有次book好晒啲藝人,上去登完台表演完,點知上面個老闆話冇乜客人,個場唔爆,唔肯俾錢,又試過臨登台前一日,同你講取消,咁我就大鑊啦,人哋度晒期book晒大巴上去嘛,咁啲糧咪惟有我頂囉,呢啲真係做10次都補唔番1次。」
碰過幾次釘嘅詹秉熙就話:「o依家我學精咗啦,總之登台前,就先收一半訂,冇錢就唔使傾啦,咁佢哋都會諗,既然都俾咗一半,都唔爭在俾埋另一半啦!」
empty
empty
做訪問時,記者叫詹秉熙唱幾句《劃出彩虹》嘅歌詞,佢幾乎唱足成首。佢話:「呢首係我登台必唱嘅歌嚟o架!」
empty
兩公婆間中都會睇吓MV回味一下。
empty
當時登台,詹秉熙仲會錄製埋VCD送俾觀眾。
empty
詹秉熙除咗自己登台,亦有做中介人介紹藝人上大陸登台。
empty
不過試過一次俾人走數,搞到要自己頂埋尾數。
empty
empty
詹秉熙近年都有拍過港視劇《導火新聞線》。
empty