現年35歲嘅蔣雅文，離開娛樂圈十年，當年佢帶住兩個月生活費就飛到台灣，雖然依家嘅佢已經定居台灣兼嫁作人妻，但係亦周不時會為工作現身香港，下周三更會帶妹妹蔣雅詩一齊返港，出席手錶品牌聯乘Café嘅活動，擔任文青顧問。

經常被形容為「文青女神」，蔣雅文笑說：「文青兩個字，對我嚟講係一個人嘅內涵，同埋對世界有從不疲乏嘅好奇心同正義感！」講到今次擔任Café文青顧問嘅職責，佢話：「我會喺裝修呀，食物呀同埋佢哋嘅手作工作坊方面提供意見。」蔣雅文仲講笑話今次接呢個工作之前，飲咗好多好多咖啡，好彩一向有飲咖啡嘅習慣，如果唔係真係會眼光光唔使瞓喇！

精選娛聞，喺晒《娛果》.
http://fb.com/appledailyent