當年今日
關於我們

【佔中案】戴耀廷宣判前夕心情平靜 陳健民重看學生抗命深受感動

蘋果日報 2019/04/04 10:50

公民抗命佔中案佔領中環

佔領行動發起人戴耀廷、陳健民和朱耀明牧師與另外6名被告將於下周二面對判刑。戴、陳二人今早在電台節目中都稱現時心情平靜,因策劃行動時已預視了有機會被檢控,戴耀廷指佔中案經過長時間審訊,「心理準備都幾足夠,唔單止我哋自己,屋企人嘅心理準備都有,此時此刻面對下個禮拜面對判決,都係平靜嘅」。
陳健民稱幾日前曾經和衝入公民廣場案被捕入獄的「13+3」年輕政治犯見面,「對裏面(監獄)嘅情況了解多咗好多,亦都覺得自己之前準備不足」,他舉例指原本準備帶6本書到獄中打發時間,但有人提醒他個別監倉嘅個人儲物櫃空間細小,「細到你攝一本書已經滿晒,根本擺唔到其他嘢,結果我即刻要換書」。他稱準備帶一些歷史書到獄中,如《晚清70年》和講述台灣民主化進程的書籍等,戴耀廷亦指已準備好需要長期服用的藥物和書籍。
回顧佔中過程,戴耀廷稱與另外8名被告關係更為熟絡,「感覺似一家人」,在審訊期間亦有互相扶持,「有眼淚,亦都有笑聲,審訊比我想像中容易過一啲」。戴稱控方在庭上播放佔中時期的影片,其中朱耀明牧師在宣佈自首的記者會上稱希望支持者能平平安安回家,最觸動到他的心情,令他在庭上忍不住嚎哭,「令我回想起我哋本心係乜嘢,都係希望爭取民主普選,但我亦都好清楚做呢類行動有咩風險。」
被問到佔領行動最終未能令香港有普選,戴承認,若從制度改革而言「當然改變唔到任何一啲嘢」,但正如朱牧師所言,佔領行動是喚醒民心,「有唔少嘅人都明白到公民抗命、民主普選嘅重要性,不過喺依家大形勢下,有啲人灰心、有啲人暫時擺低,甚至有人放棄,但仍然有好堅實嘅人無放低過。」他舉例指雖然很多人明知遊行集會難迫使政府改變仍照樣上街,如同周日有過萬人上街反對《逃犯條例》修訂。
陳健民坦言佔中期間與學生有過分歧令他感到辛苦,「你跌咗落個處境裏面,其實你無辦法控制事件走向,但又唔可以走開,因為有個道德責任喺度」,但審訊時重看當日學生衝進公民廣場的片段,仍令他深受感動,「佢哋比較單純,見到唔啱嘅嘢咪出聲」。
他又為學生護航,指對方在佔領行動升級後都無暴力對抗,「佢哋唔係暴力衝去打警察,而係去俾警察打,但佢哋戴晒頭盔、裝備,個社會又點會同情吖?甚至覺得佢哋挑釁」,結果行動未能如印度「聖雄」甘地的公民抗命般引起社會同情,「我覺得啲年青人好似燈蛾撲火咁,好悲壯,好似無咩結果,佢哋見到光就衝埋去,但我哋唔係希望年青人走向光明嘅咩?」他被感動之餘,亦覺得與學生之前的爭拗如同小風波「已經放下晒」。
戴耀廷認為佔中過後,本港政治氣氛明顯轉變,中共多了透過港府利用法律作為工具壓制香港,加上立法會已被建制派操控,議會作用有限,這些都令港人無力感增加,青年對政治有所卻步,甚至連投票都不願意,但仍有一班人堅持不懈爭取民主。他稱自己和陳健民等人想繼續做「燃燈人」,成為市民追求民主的力量,「如果真係要入獄,都希望可以畀到大家可能仍然堅持到落去嘅力量」。
-----------------------------
免費訂閱《蘋果動新聞》, 無懼霸權橫行!立即登記!
https://hk.adai.ly/bXz2v29BrV
-----------------------------
4月4日 10am-11pm 即玩《MINI GAME大挑戰》
隨時贏SuperPark門票2張
https://bit.ly/2WigzsG