【新增影片】長和（001）主席李嘉誠今日出席業績會，他多次被問到特首選戰。他表示，支持一位「每行業都有見識，同中央合作好，喺今日依個環境，我哋需要咁嘅特首。」他認為，特首要與中央及香港溝通及合作無間，「先可以帶香港短期有新局面」。

被問到民望是否關鍵，「民望呢，世間事冇百分之一百。」他引述「金無足赤，人無完人」指，「世界冇一個人百分百Pure，邊位能夠同國家溝通合作好，中央信任，我自己都係投嗰位。」

他表示，現時有識之人，都知香港面對不少重要問題，如住屋、居住，如果特首可與中央合作、溝通，中央又信任，「好多時係有奇蹟。」

他強調，自己1940年來港，多年對香港感情深厚，「我唔想睇到香港自己變好似樣樣麻煩，好多麻煩如果有認真去做，與中央有溝通、信任特別好，我哋可減少好多無謂紛爭。」他指，香港GDP佔中國只有約2%左右，如果可以好好發揮力量，香港不單可受國家睇重，亦會受世界睇重。

掌握財經地產資訊，即Like「蘋果ATM」fb專頁啦！
http://fb.com/appledailyatm