黃夏蕙、仙樂都、楊峰、胡櫻汶同李文標兩公婆今日到九龍城廣場出席廣西特產慈善義賣活動， 胡櫻汶、李文標夫妻檔上陣合唱， 猶如登台一樣，載歌載舞。楊峰是廣西來賓市嘅政協，今次獲得好友夏蕙姨、仙樂都佢哋幫忙籌款，幫助山區小朋友興建學校。夏蕙姨出錢出力盡力為善。

之前夏蕙姨因為購買演唱會門券被拖票搞到想報警，最終事件得以解決，夏蕙姨話：「好多不法之徒見情況哄動就想入非非，雖然攞番錢解決咗，但冇得睇好慘好失望。」契女艾美琦爆黃夏蕙經常被呃錢，最高達六位數字，夏蕙姨坦言：「有呀，借錢冇玩 ，但買飛唔同，因為我好想睇呢個演唱會。」至於借錢唔還涉及數目，夏蕙姨話：「唔記得，當幫人啦，唔係賭錢就得，都係啲人生活有困難先幫。」問到祥嫂仲有冇再搵夏蕙姨傾訴家事，夏蕙姨話：「冇呀，都試事過境遷，乜嘢事都原諒哂啦。」

仙樂都製作一首關於姐弟戀歌曲，同佢同齡嘅女士分享，因為呢個年紀成日識到啲細過自己十年男士，好驚相處唔到，只可以做朋友，唔可以談戀愛，亦都係佢失敗經驗之一。

另外楊峰製作緊一首歌曲同夏蕙姨母子合唱做慈善，楊峰話：「夏蕙姨平時食嘢慳住慳住，但捐錢就好爽手，萬萬聲捐出去做善事。」夏蕙姨坦然自己好慳家，唔會亂花錢，有錢都捐出去幫助有需要的人。