平安夜大批市民出外迎接聖誕，餐飲市道暢旺，食肆指今年預約比往年早，料生意升兩成。

在聖誕樹旁吃烤雞和豬肋骨，配上聖誕音樂，銅鑼灣西餐廳阿麥廚房(mackie kitchen)約40多個座位今晚全廳滿座。經理袁先生表示，今年早一個月訂檯已經爆滿，比往年12月初查詢、一星期後訂滿更早，預期生意按年好兩成。

另一家餐廳NEIGHBOR今晚同樣滿座，餐廳經理蔣先生透露，節日可以一晚可以做三輪生意，每輪約90分鐘，今晚會營業至午夜12時，料生意可按年升約兩成。他表示，由於成本上升，套餐價格也有輕微上升，節日西式套餐由388至588元不等，而且只在平安夜、聖誕夜及除夕夜供應。

市民胡小姐與李先生今晚會去連鎖餐廳共膳，李先生認為今年餐廳價格未見明顯加幅，去鋸扒價錢也可接受，胡小姐則指聖誕節推廣優惠多，也花費了數百至一千元購買聖誕禮物。

梁小姐指出外用膳「都冇專登訂檯，因為價錢偏貴，聖誕大餐都1,000蚊一個人，可能500蚊一個會好啲，打算路過邊度就邊度食。」

黃先生一家三口今晚訂檯去食日本菜，「預算年年都係咁上下，冇咩買禮物，都係食吓飯，預千零蚊三個人，早啲訂檯感覺好啲，會冇咁易滿。」

陳先生指：「今晚返屋企食飯啦，出面咁多人，往年都係覺得有啲貴，千幾蚊一個人，唔抵囉，返屋企食差唔多嘢平好多。」