ViuTV節目《全民造星》已經進入決賽階段，早前傳過話呢班囝囝好有機會組成男團進軍娛樂圈，不過組團還組團，冠軍仍然是要比拼過先知。不過節目早前有段小風波，監製花姐覆完微博fans但又唔覆facebook fans，又爆響口「宣佈」咗決賽日期，當時ViuTV解釋，都只係叫大家「密切留意ViuTV官方平台的最新公佈」。

答案揭曉喇，今日ViuTV終於正式宣佈《全民造星總決賽》喺10月14日晚上喺九展舉行，到時ViuTV同網上平台會直播成個比賽。

由99位參賽者變一位皇者，ViuTV亦宣佈之後會開放網上投票，分數分成由全民投票及星級評判、專業評審各佔一半決定，而網上投票亦玩民主，一人一票決定。

至於決賽嘅入場卷，ViuTV話會喺facebook以遊戲形式送出，但參加者要11歲或以上、持有效香港身分證先可以參加。咁之前花姐喺微博叫大陸人嚟觀戰，大陸人要點參加呢？今次就冇講，再等下啦。

精選娛聞，喺晒《娛果》
http://fb.com/appledailyent