江女士與黃燕州年前雖已正式離婚，但兩人育有四名兒子，所以關係仍然密切，對於前夫猝死，遺體更慘被「掉包」，江女士每次提起，也十分激動。「正所謂一夜夫妻百夜恩，阿州突然過身，我已經好傷心，點知重發生咁荒謬嘅事，我個心真係好唔安樂，冇晚瞓得着。」

五十七歲的黃燕州，除有高血壓外，身體一向很健康，惟今年二月十三日早上，任職保安員的黃燕州，於上班前突然感到呼吸困難，家人立即致電報警，惜他送抵將軍澳醫院後已告不治，死因仍有待驗屍報告確定。
黃燕州猝逝，江女士和四名兒子傷心不已，本月四日，一家人懷着悲痛的心情為他舉殯並進行火化，詎料卻發生錯領遺體事件。黃宅雖然已於本月十二日為黃燕州「再次」舉殯，衞生署副署長梁挺雄當日亦有到場致祭，但江女士始終未能釋懷。
「我一想起阿州，就覺得佢好慘，『第一次』出殯嘅時候，好多親戚都有嚟；但『第二次』就無人肯再嚟，佢哋話怕記者，亦怕唔吉利，嗰日得我幾仔乸送佢最後一程，場面好冷清；而阿州嘅陪葬品亦因為之前燒錯晒畀人，變咗佢『真正』出殯嘅時候無嘢陪葬，」
四十七歲的江女士坦言，因為承受不到喪親之痛，加上連日來備受輿論壓力，她曾經一度登上大廈天台企圖自殺，幸兒子及時趕至將她制止。

記者訪問期間，江女士亦多次表示頭痛要休息，並拿出藥物來服食。「𠵱家我要見心理醫生，醫生開咗安眠藥同鎮靜劑畀我。」
江女士刻下最希望政府能為事件承擔責任，並作出賠償。由於火葬後約需一至兩個月才可領回骨灰，「我唔想將件事拖得太耐，怕又出錯，我想快啲領番阿州嘅骨灰，等佢早日入土為安。」
捐款編號︰C1961

蘋果投訴熱線：29290000
社會服務熱線：29908288
傳真：23702192
電郵：[email protected]