做服務行業最緊要係乜？老土啲講當然是要有禮貌有笑容，但要如何令員工有禮貌有笑容？加人工零OT同事老闆相親相愛應該都有用，但如果全部都冇乜可能的話，現代科技幫到你︰人工智能幫你「強制」每個員工，唔笑唔准開工。

撰文：劉小黃

日本向來是禮貌大國，每間餐廳店舖便利店的侍應店員都訓練十足，鞠躬招呼是指定動作，但輸了股票輸了波女朋友又話要分手，叫我怎樣笑得出⋯⋯北海道札幌巿一間擔擔麵專門店「175。DENO」為了顧客着想，決定引入「笑顏認證出退勤System」，要用平板電腦作臉部辨析才能開工，而且不能烏眉瞌睡或黑口黑面，一定要有笑容才能登入，人工智能可以從登入者的嘴角、眼睛角度等評定這是否一個笑容，要達到一定數值，電腦才會「批准」開工，就連收工之前都要對電腦笑一笑才可以收工；收工收得唔開心一定有甚麼問題吧？煩請與經理聯絡。

負責管理此系統的柳橋優樹表示：「笑容是服務的重要一環，與顧客的滿意度有重要關係，所以我們希望將檢查笑容成為員工的習慣。」

當然網民並不賣賬，皆因早前日本有公營機構因員工只是花幾分鐘出街買外賣，竟要扣他人工兼公開道歉，令人更關注日本打工仔在職場受欺壓的問題，不少前線員工也反映現在打工有如做奴隸。

不過你有你投訴，臉部辨析科技其實已很普及，日本成田機場將引入臉部辨析作出入境管制，中國內地更是「用途廣泛」，有學校甚至用來監察每個學生有否專心上課。你個樣，早已變成大數據的一部份。