遵理通識科補習名師OscarMa被指與學生發生忘年戀，涉嫌要求與對方發生關係卻「𡁻完鬆」，不過當事人否認兼報警求助。《蘋果》於遵理九龍灣分校外街訪，其中受訪的中五學生李同學指，師生戀不能接受，「咁緊係唔可以啦，始終都階級有別」，又稱有部分導師會向學生提供聯絡方法，再私下交談，「咁畀唔畀contact就好睇個導師做法，有啲老師會畀，等大家問下功課。」

另一中五生林同學則認為師生戀可接受，「咁補習老師都係普通人，都有私生活啫，唔好濫交就得」，惟聞說導師涉嫌玩弄感情、「呃」女同學上床，林同學即直言「咁又好似唔係咁好」。

本身沒有到補習社補習、卻有私補經驗的中五學生唐同學亦認為「師生戀無問題，但去到性關係就唔係咁好」，又指老師與學生之間應保持適當距離。

本身在遵理學校補習英文科的中五梁同學，則認為此事不會動搖她對學校的信心，又稱自己「專登揀啲同性別嘅導師補習，相信唔會出現呢啲情況」。