Stephy指《女士復仇》不是Cult片，而是一部混合了所有元素的 '溝' 片。

首次合作的兩人，經了解後發現彼此性格相似，都是外表斯文，但內心比較「男仔頭」。

周秀娜 (娜姐)、鄧麗欣 (Stephy)在新戲《女士復仇》飾演飛賊殺手，二人除了在戲中大打出手，更有突破性的打扮與演出。Stephy表示自己是不會抽煙的，但跟殺手的形象不符，所以特意學習如何抽煙，但還是學不太會「我睇返個戲呢，我吸左入去呢，係無噴返出黎架」。而娜姐則覺得最難是要煮飯給男友吃，又要輕柔細語「Honey你返黎未啊？」，因為自己平時不太會說甜言蜜語。

《女》更是有場Kevin Boy (KB)追姦Stephy及娜姐戲份。KB於戲中飾演精神有問題的酒店老闆娘(孫佳君 飾)兒子，口出狂言表示：「一分鐘後我要嚟姦殺你哋！」為保清白的Stephy及娜姐逃走至廢屋，但娜姐稍一不慎就被KB 活捉更舔臉。Stephy即時大笑「好彩唔係我啊」，又向娜姐透露拍攝舔臉戲前，KB應該拍完吃蜥蜴一幕，令娜姐大驚失色，Stephy續問「有無腥膻地啊？」

導演火火(李家榮)曾經以編導的黑色喜劇《老笠》入圍金馬獎最佳改編劇本獎，今次《女》同樣是自編自導，問到劇本構思是否來自火火自身經歷，「都無問過導演究竟係咪佢自己嘅經歷，心入面已經諗左係佢，我已經覺得係佢嘅經歷」Stephy指在宣傳話在電影節時，火火直言不諱劇本是改編自與老婆之間的經歷，而現實生活中，都常聽朋友訴說類似的感情問題，但幸好從未發生在自己身上。

經過今次拍攝，兩人有感性格與角色相似，Stephy飾演的Chanel，是一個說得出做得到的女殺手「我唔知係咪叫做硬頸啦，決定左要做嘅野呢，好少人係改變到我嘅主意」，而娜姐則認為，她飾演的Dior與自己最相似之處，是表面予人感覺不甚正經，但一遇到需要認真的時候，會是一個超級認真的人「即係你唔好睇我嘻嘻哈哈 OK?」

《女士復仇》已先後入圍了日本大阪亞洲電影節、台灣高雄影展以及香港亞洲電影節等多個影展，主演包括鄧麗欣、周秀娜、樂基兒及孫佳君等。電影將於12月7日正式上畫，電影講述Stephy飾演的女殺手Chanel 已婚十年，始終相信丈夫只愛她一人，然而 周秀娜飾演的 女飛賊Dior也與一男拍拖十年，某一天突然她們發現兩人的第三者就是彼此，所以就有了見面並置對方於死地的念頭。但又恰巧發現賤男正準備與樂基兒飾演的Hermes 到酒店幽會，決定前往但卻不知已陷入賤男設下想一齊將三女一網打盡的陷阱，於是復仇計畫就此展開.…

採訪　Sapna
攝錄　吉吉　NEO
攝影　葉君海
剪接　Dominic

更多娛聞，喺晒《娛果》
http://fb.com/appledailyent