「愛情我一向都很相信，但是我不相信男人。」

李晨向范冰冰求婚成功，以為就咁就可以搶佔微博人氣王？Sorry囉，個位俾李晨舊愛張馨予搶咗。唔止係搶咗風頭，而係直頭搶晒。

就係因為之前張馨予喺綜藝節目上，被主持人問佢是否相信愛情，佢就答：「愛情我一向都很相信，但是我不相信男人。」網民就解讀成：李晨對佢傷害好深。

張馨予係邊個？咪就係2011年仲係吳卓羲女友時，「好唔小心」咁，喺微博——係吳卓羲微博貼咗張私伙床照。o依家諗番轉頭，經此一役，套用番張馨予句式，吳卓羲可能會話；「愛情我一向都很相信，但是我不相信女人。」

關於張馨予，咪有就係2015年老是常出現喺國際影展做「毯星」嘅佢，喺康城影展一套東北大媽棉襖晚裝震驚全球人類。

至於李晨同張馨予嘅情慾愛恨肢體交流，見於2015年6月，范爺同李晨拍一張「我們」照高調晒愛，張馨予即於微博勁發功，又放喊相，又講嘢勁有骨咁「祝福」，更有人放料話李晨原來已經打算同張馨予求婚，點知冰冰橫刀奪愛，最後李晨為保冰冰清白，喺微博爆大鑊，佢首先話：「我出來說什麼都給了對方繼續炒作機會，不說，就眼看著小范兒莫名其妙受到詆毀與傷害。」仲話：「必須明確的是，我知道張小姐出軌的那一刻，我和她就結束了。」

之後李晨仲寄語張馨予：「你有你的手段，我有我的生活，今日之後，不管張小姐如何生事，我們也不再回覆了，願你走好，此生不再交集。」好狠，最後再加多句「最大的回報就是遇到了冰冰。」

原以為事件已告一段落，點知今年四月又爆出有網民搵到疑似係張馨予嘅微博分身，點搵到就唔知啦，總之話啲網民對照完之後，根據種種蛛絲馬跡（例如同時間換了一樣嘅手機model、鍾意食同樣嘅嘢、碗墊相同等等）認為呢個係張馨予暱名微博，成個微博內容都極重負能量，稱自己長期遭到打壓，雖未指名道姓，但大家都推測係講緊「佢哋」。

所謂的打壓，如屬實的話亦真係舖天蓋地，包括睇騷被除名、工作被放飛機、影好嘅雜誌被下封殺令：「某人你真夠閒的，你花這麼多錢來弄我你到底得到了什麼？還是能害得我家破人亡？你表面的樣子和你背後簡直天壤地別」、「我不做紀錄了，寫給以後的我，永遠別忘記有個賤人今天做的這件事」。

該帳號提到這一切的封殺似乎源於舊愛：「分開後的兩年時間，她如此對待我，暗裡對我做的事，你也應該知道一些，我一直願意相信你不是知道全部，可我錯了，你親自出馬，要趕盡殺絕。我自問我到底欠了你什麼，要讓你變成這樣。也許是她要你這樣做，但你憑甚麼？將我推向火坑是你，這筆帳已經兩清，連續兩年的折磨又算甚麼？」該微博仲曾貼出治療焦慮症、抑鬱症的藥物照片，寫道：「主動治癒自己，靠藥物，只是依賴和自我欺騙，就像糖衣炮彈。」

范爺同李晨都冇應機，只係范爺嘅fans回敬：「被害妄想症的主要治療方法」，唔…

花生生成器：
【開腔護冰冰】李晨爆料　指舊愛張馨予出軌致分手
http://bit.ly/1AKfldt

【一橋兩用】乳神張馨予又貼喊相 狠撇李晨
http://bit.ly/2w0y1oC

【范冰冰爭贏男神】舊愛張馨予寫最後一條「關於你的微博」
http://bit.ly/2h8gok8

【雙囍臨門】范冰冰36歲生日李晨求婚成功： 我們永遠
http://bit.ly/2x9FapN

【吳卓羲35F舊愛】張馨予三級飯局被偷影 同3男1女互嘴摸胸
http://bit.ly/2ydDKcp