日本雜誌《週刊文春》早前進行票選，由12至86歲市民每人一票選出「最喜愛男女藝人」及「最討厭男女藝人」，今日就率先公佈以5,200票選出之「最喜愛男女藝人」最新排名，綾瀨遙同玉木宏分別成為「最喜愛男女藝人」冠軍。

33歲女星綾瀨遙過去一年人氣回升，先係主演日劇《太太要小心對待》大受歡迎，而佢拍住坂口健太郎嘅奇幻愛情片《星光奇遇結良緣》上映七星期，在日本已累積逾79萬觀眾入場，票房收逾10.59億日圓，即約7,942萬港元，成績唔錯。綾瀨遙今次係相隔三年再登上女星組別No.1，而24歲《海女》主角能年玲奈就以七票之差屈居亞軍，新垣結衣今年跌一級排季軍。男星方面，玉木宏、阿部寬、木村拓哉順序成為三甲，而早前因病猝逝嘅66歲男星大杉漣就排第六位。

精選娛聞，喺晒《娛果》
http://fb.com/appledailyent