每年無綫台慶，啲女藝員都着到鬼火咁靚出席，今年都唔例外啦。

早前無綫節目巡禮胸壓全場嘅「長腳蟹」呂慧儀，今晚就以火紅色低胸透視高衩裙亮相，雖然望落佢有啲似酒樓知客，比上次打扮略為失手，好彩呂慧儀仍然努力谷胸﹑騷腿兼露玉背，「賣大包」亮相台慶，其間呂慧儀仲拎住氣球蠟燭，之後仲作狀吹氣球蠟燭添。

至於葉翠翠亦繼續谷胸示人，不過佢隻玉手有啲疑似刮損傷痕，稍為礙眼。