有英雄輝之稱嘅葉鴻輝同歐鎧淳(Stephanie)近期人氣急升,兩位最近被珠寶公司睇中,邀請拍攝宣傳廣告,雖然未出街,但原來兩位主角唔同時間拍攝,搞到大家緣慳一面。
美人魚歐鎧淳繼美容、隱形眼鏡同服裝品牌後,今次殺入珠寶界,化濃妝上鏡嘅佢話成個拍攝過程只用咗兩三個鐘,唔會影響練水,最緊要係廣告意念好:「一心一意」,代表佢對游水可以付出一生,美中不足係見唔到拍同一個廣告嘅葉鴻輝。原來美人魚都有留意港足最近世盃外嘅表現,仲大讚佢哋喺全港市民注視下,仍然可以打和中國,佢哋處理壓力嘅能耐值得自己學習喎。