你仲有睇電視？真係有？咁即係你已經係老餅一族！事關唔少後生仔女早就完全唔睇電視，而係睇YouTube！

再問下你，識唔識以下人仕：屎萊姆、笑波子、Mira's Garden、Matt Steffanina、聖結石Saint、Ms. Yeah辦公室小野、譚杏藍（小花）？如果你識一半，可能仲有得救，但一個都唔識？Sorry，你已經可以做化石，後生個世界已經冇你容身之所。不過又唔駛灰心嘅，因為YouTube FanFest香港站將於 8月3日（星期五）舉行，仲要係免費！後生嘅當然要去同YouTuber近距離接觸，唔識嘅亦可襯機會同後生嘅拉番近啲距離。