特首梁振英身為10間大專院校校監，據報道今年一反傳統，全部畢業禮都唔出席，包括今日為學士及碩士舉行畢業禮嘅中大。受歡迎程度同校監成反比嘅中大校長祖堯BB，唔肯講對校監唔嚟有冇失望，笑笑口話「如果校監有嚟我剛才就唔使做嗰啲」。

祖堯BB一如以往勁受同學仔歡迎，行到邊都俾人捕獲合照，變咗流動景點。佢致辭時勉勵畢業生，即使社會看輕年輕一代，佢都認為年輕人係希望嘅所在，就算有人批評大學生不懂禮節、不思進取，佢唔認為中大畢業生是係咁樣，盼望畢業生堅守宗旨，唔好隨波逐流。

畢業禮同場頒發校長模範教學獎俾九位教師，其中佔領期間高調支持學生嘅人類學系教授麥高登（GordonMathews）憑通識教育課程獲模範教學獎，但佢有事未能親身領獎，由日本裔太太到場代領。