以蛇羹和燒味飯馳名的蛇王二80年代初進駐波斯富街,經歷沙士、金融海嘯的店長羅長熙稱武肺疫情是歷來最難捱,上個月已有6位數字虧蝕,「成間舖可以一個客都冇」,農曆年至今生意額比去年同期大跌七成。
藍絲批評反送中拖累零售業,但熙哥指去年示威期間生額約下跌三成,認為今次肺炎才致命,批評政府抗疫不力,該店上月起全部員工九折出糧。
於尖沙嘴經營鞋店20年的劉先生慨嘆,「呢一刻全城都無人行街,我都想閂咗唔做。」數月來每月約有一星期「全日無開過單」,形容「嚴重過沙士十倍」,去年示威期間生意下跌三、四成,現時更大跌六、七成,「我喺呢條街做咗廿幾年,第一次打算唔做」。
於厚福街經營小食店的老闆肥仔稱,農曆新年以來生意額大跌七至八成,「生意最少嗰日,一千蚊生意額都冇」,正考慮縮短營業時間。
■記者譚靜雯、鍾雅宜