日本女團Morning娘嘅首代主將安倍夏美日前傳出婚訊，今日佢同拍拖逾4年嘅男星山崎育三郎正式報喜，向傳媒表示已喺今日註冊成為夫妻。

Morning娘舊將近年逐一出嫁，繼吉澤瞳之後，34歲嘅安倍夏美都趕喺年底前嫁人，令Morning娘第一代成員終於全部嫁得出。安倍夏美早喺Morning娘成軍時已係隊中主音，佢約4年半前演出舞台劇時撻着現年29歲嘅男拍檔山崎育三郎，而男佢方曾與松田聖子愛女神田沙也加拍拖，佢早前就有份參演收視冠軍日劇《下町火箭》，令山崎知名度大增。