韓國人氣節目《超人回來了》男星李同國嘅仔仔大發BB，早前當家姐係睡公主咁咀，即時引起關注。

於即將播出嘅新一集中，李同國向大發講咗童話故事《睡公主》，並表示大發只要錫公主，公主就會從睡夢中醒來。聽完故事後，大發即時行去沙發，企喺當時瞓緊覺嘅雪雅家姐身邊，並錫家姐個鼻，家姐因為突如其來嘅錫錫而醒一醒，不過雪雅冇理佢繼續瞓，於是大發再次發動錫錫攻勢，當正自己係王子咁咀家姐，令老竇李同國望見都忍唔住大笑。