【李八方online】2047香港監察 區選擬3區捲土重來
蘋果日報 2019/09/20 09:54
沙田司法覆核跑馬地錢志健健美小姐楊哲安陳詠燊2047香港監察張德榮逆流大叔陳詠霞何安娜張慶樺張嘉莉
「2047香港監察」積極考慮再次派員，參選山頂、跑馬地同沙田雲城選區。
「2047香港監察」喺2015年曾派出3名成員，分別參選山頂、跑馬地同沙田雲城選區，可惜全數無功而還。「2047香港監察」召集人錢志健同八方透露，組織積極考慮再次派員，喺今年11月區選再次出戰上述三個選區，話希望藉此製造最大協同效應，令泛民主派得到更多議席。
其中從事多媒體製作及策劃嘅陳詠霞考慮出選跑馬地，並獲跑馬地居民、3屆香港健美小姐何安娜做佢競選主任。而且陳詠霞嘅哥哥就係獲多項提名、《逆流大叔》導演陳詠燊Sunny Chan。至於退休攝影記者兼香港其中一名「司法覆核王」張德榮，就考慮再次出戰沙田雲城。
但按民主派協調機制，其實兩區同泛民撞區。好似沙田雲城選區，新同盟成員張慶樺年幾前已經開始地區工作；至於跑馬地則有前灣仔起步成員張嘉莉做緊地區工作。其實上屆區選中，「2047香港監察」都喺灣仔司徒拔道選區，同灣仔廣義嘅區麗莊撞區，好彩最後協調成功，由錢家和轉戰跑馬地，可惜又落敗，似乎監察組都要同泛民再協調一下。
而上次喺2017年山頂補選輸咗畀自由黨楊哲安嘅錢志健，則話會再同「2047香港監察」商討，先決定是否再次披甲上陣。
積極考慮參選跑馬地嘅陳詠霞Vivian Chan ，原來佢哥哥就係獲多項提名、《逆流大叔》導演陳詠燊Sunny Chan。