鄭融今日喺中環接受網台訪問，最近宣傳新歌《心頭大石》，有別一般情歌較注重內心，得到好反應十分開心，稍後佢出席世界心臟活動都會唱此歌：「除咗有首歌啱交通安全外，呢首歌都好切合主題。」

鄭融之前舉行過音樂會，希望有機會跟管弦樂團合作，成為佢目標之一，今年樂壇頒獎禮就到，鄭融會出席，但一線歌手包括容祖兒等會缺席（新聞連結： http://bit.ly/2jcyKSn ），問到鄭融可會覺得冷清，抑或少了競爭自己多番啲機會？佢話：「都會有啲冷清，但獎項冇得諗咁多，我哋職業係歌手，有平台宣傳自己嘅歌，我出席活動都好應該，而且我今年錄咗兩首歌，外間反應都好，已經覺得好大收穫。」

更多娛聞，喺晒《娛果》
http://fb.com/appledailyent