韓劇《OH！必勝奉順英》嘅38歲女星秋瓷炫，今年初跟大陸男星于曉光結婚，早前被爆懷孕消息，計返現時應該懷孕約三個月。秋瓷炫同時透過綜藝節目《同床異夢2-你是我的命運》向老公于曉光公開自己懷孕嘅事，令老公感動到喊。

而于曉光一向都愛錫老婆，秋瓷炫大肚後更照顧得無微不至。節目組公開嘅預告可見，好早起身嘅于曉光對秋瓷炫講：「你咩都唔使做，全部我做得喇。」不過秋瓷炫就冇理佢，照親自下廚，于曉光好緊張咁跟喺老婆身邊，而當佢見到變咗色嘅洋蔥頭時以為變壞咗，立即表示：「呢個唔食得！」過份擔心令秋瓷炫都感到無奈，最後秋瓷炫先表示：「冇變壞，仲可以食。」引起爆笑。

更多韓流，喺晒《娛果》
http://fb.com/appledailyent