喺今日朱主席個fansclub成立活動上，仲請來谷晒胸、露小蠻腰嘅黃榕邊唱《擋不住的風情》邊跳辣身舞，朱主席攬住黃榕條纖腰，兩個係咁「磨」，又係咁搖，朱主席仲托起黃榕隻腳，黃榕則胸壓朱主席。

黃榕跳舞前接受訪問，佢話：「我會同朱主席會跳辣身舞，佢仲問我可能會掂到我少少敏感部位，好似腰同patpat咁，問我得唔得，因為有少少身體接觸，磨下磨下咁，我話我都OK嘅。」

問黃榕係咪朱主席fans？佢即話係，仲話俾朱主席嘅舞姿吸引住，又覺得佢歌藝好正，唱得仲好過自己，簡直係神級。記者話榕姨好虛偽，榕姨即刻笑道：「個人開心已經係贏咗啦。」

另外，黃榕嚟緊喺書展推出嘅寫真獲淫審處評為一級，即係老少鹹宜：「審咗暫時係一級，啲相有全裸，但係藝術照，評為老少鹹宜好贊成個結果，我唔係走低俗路線，今年係最後一擊，因為真係影到悶。」