【嚇到喊】媽媽居大邱市曾喉嚨痛發燒 宋芝齡憂心：病徵勁似
蘋果日報 2020/03/07 14:47
媽媽孝順女病徵宋芝齡大邱市
宋芝齡是中韓混血兒，媽媽一直居於韓國，今日有報道指芝齡的媽媽最近居於疫情嚴重的大邱市，而且出現發燒、喉嚨痛及氣促等武漢肺炎病徵，嚇到在港的宋芝齡忍不住爆喊，立即要求媽媽到醫院就診，幸昨日已經退燒，醫生初步診斷是普通傷風感冒，令芝齡暫且輕一口氣。
芝齡今日接受傳媒訪問時透露媽媽早前已由大邱市搬到高興郡，但媽媽的防疫意識不足，曾經不戴口罩與鄰居傾偈，她說：「佢話驚對人唔好，好似覺得人哋有病，我聽到梗係好擔心。我話咗佢好多次，前日聽到佢把聲好『盟』，我即刻問佢抖氣有冇問題？佢話有發燒、喉嚨痛，仲『翳』住『翳』住，啲病徵勁似（武漢肺炎），當時我喺街都嚇到爆喊呀！」
幸芝齡媽媽認識當地醫院院長，親自為她診治，經過24小時後已經退燒。現在芝齡都做孝順女，每日致電媽媽三次，她說：「其實我都有年幾冇見媽咪，因為之前韓國學校要擴充，原本諗住新年過後就返去探佢，點知遇上疫情，佢之前驚我有事寄咗好多口罩畀我，而家到佢口罩量唔多要慳住用，我都好後悔冇早啲返去探佢。平時我每朝都會打一次電話畀佢，現在成日都驚佢有嘢隱瞞，所以每日早午晚都打畀佢，叫佢小心啲。佢今朝同我講同屋企人講嘢都戴住(口罩)，唔知真定假。」
（互聯網圖片）
宋芝齡的媽媽曾居於疫情嚴重的大邱市，並曾出現發燒等病徵。
芝齡與媽媽雖然不常見面，但感情卻非常之好。
芝齡的媽媽暫居於親戚家中
芝齡現在每日都會致電媽媽三次，確保她身體健康。
芝齡隻身來港發展，閒時與狗狗為伴。