8.羅小姐：平時着乜瞓覺？睡衣、睡袍定內衣？

祖兒：我好注重睡眠服飾，瞓覺一定換睡衣，有少少碎花粉紅色棉質薄薄哋，好多睡衣都着到橡筋鬆晒，因為着咗好多年先舒服，我嘅睡衣好靚喺日本買。

9.李小姐：我好想你幸福，幾時結婚呀？

祖兒：我諗一定唔會係呢一兩年，畀自己一個期限，38歲，睇自己做唔做得到啦。

10.Ice：你想生幾多個BB？

祖兒：想生一個夠啦，想生女，不過通常想女都係得仔，頂籠兩個。

11.陳小姐：去卡拉OK最鍾意唱邊個歌手嘅歌？

祖兒：王菀之啦，仲有孫燕姿、張惠妹、鄭秀文、楊千嬅，幾乎個個都會唱，就係唔會唱自己歌。

12.Iris：你下次個人演唱會係幾時？

祖兒：𠵱家都未知，人生好精采呀，嚟緊9月會同李克勤做咗先啦，自己嗰個就未知……都嚟支持下啦！

13.李克勤：喺演唱會唱唔唱《舊歡如夢》？會嘅話點樣演繹呢？

祖兒：細心諗過真係要唱係乜形式，可能美式啦啦隊或擋不住的風情嘅裝束去唱，歌本身冇問題，但要諗新鮮包裝，呢個係我底線，如果諗到好包裝方法，《舊歡如夢》放馬過嚟，唔驚你。

14.關先生：你試過一日食最多同最少係乜？

祖兒：我係一個飲食好唔女仔嘅人，鍾意食嘅嘢大家唔好誤會係甜品，最鍾意食同食到收唔到口係花生、開心果，食到成座山咁，自己覺得好麻甩。

15.文小姐：你同克勤個騷叫乜名？

祖兒：實在太多選擇，我唔想用人名砌出嚟，我想用英文名，克勤想用中文名，暫時結論容祖兒加李克勤演唱會就算嘞。

16.劉先生：你鍾意食乜點心㗎？

祖兒：叉燒包囉、蝦餃，飲茶必食。