彭浩翔執導、楊千嬅與余文樂主演的電影《志明與春嬌》已經拍過上、下兩集，一直有傳將會開拍第三集，但自從2012年拍完續集《春嬌與志明》之後，第三集始終開拍無期。據悉導演一直未籌備好劇本，最初想拍婆媳問題，但創作過程又出現很多問題，結果相隔了4年，他才想通第三集要拍的故事，片名也定為《春嬌救志明》。除原班人馬外，今集最特別是邀請荷李活巨星演出，據悉級數等同畢彼特（Brad Pitt）、佐治古尼（George Clooney）和里安納度狄卡比奧（Leonardo DiCaprio），劇情是講述廣告導演志明因為拍廣告結識了這位巨星，春嬌知道了也好奇前往探班。

千嬅押後追女

寰亞投資這部片，製作費也加碼至6,000萬元，將會到日本取景，電影預計10月底開拍，昨日致電彭浩翔求證，他表示：「係呀！應該10底開拍《春嬌救志明》，因為之前已經拍過兩集，咁第三集一定要有大變化，要有好多嘢唔同先可以吸住觀眾眼睛，大家會見到呢部戲唔係慣常嘅小品愛情電影。」
問到第三集春嬌與志明是否已成為夫婦？彭浩翔否認說：「仲未結婚，依然係同居關係，但兩人感情之間發生咗好多事，大家到時睇吓就知道，現階段唔方便講咁多。」至於是否有荷李活紅星客串？他賣關子說：「已經有初步接觸，如果真係成事再講，另外今次都會喺台灣同內地搵啲紅星嚟客串。」
據悉楊千嬅一直想追多一個女兒，因為現時只育有兒子Torres，她覺得一家人還未夠完美，所以希望快點追多個囡囡，但因為要拍《春》片第三集，生女計劃只好押到明年中，千嬅表示：「生兒育女嘅事，天自有安排，一切隨緣啦！公司係通知咗我，我都好期待。」
採訪：鍾國仁