過咗新曆年之後，天氣好似無點暖過，雖然香港嘅冬天唔算好凍，大部份家庭都唔使開暖爐，但國內部份地區就喺過去一個月持續低溫，喺咁凍嘅環境下，暖爐就變咗必需品。
聽班行家話，有班大戶睇到呢個機會，走去問班芬佬點睇隻喺國內提供天然氣嘅華燊燃氣（8035），聽講佢哋今年盤數應該會好靚，結果兩幫人一拍即合。聞說呢隻股票會喺1.2元樓上批股，數量重係唔細，所以個消息喺上個禮拜中漏咗出嚟之後，股價同成交額都勁升。由於班大戶再搵多幾間大行幫佢哋吹風，睇怕隻股好快就可以升到個二樓上，如果今個禮拜初重喺1蚊水平，不妨執啲嚟玩吓。