當年今日
關於我們

【四川地震】陳冠希出慈善Tee賑災

蘋果日報 2013/04/24 06:00

陳冠希雅安

四川雅安發生大地震,死傷枕藉,中港台三地藝人除咗喺微博送上祝福外,好多明星紅人都以個人名義,或者基金會捐款去賑災,而徐熙媛(大S)老公汪小菲除咗出錢外,亦出力幫手搬物資,仲為災民準備幾萬支水同餅乾﹑萬幾包公仔麵﹑以及雨衣及手電筒等去災區。

至於現時變咗潮人愛出潮Tee嘅陳冠希(Edison),今晚亦喺微博話為咗雅安,會推出慈善Tee,Edison寫道:「為雅安﹗CLOT慈善TEE明天中午12點yohobuy.com開賣,只售7天,名單公開,所有銷售收入全部捐到壹基金!prayforYa'An。」講返呢件白色Tee,設計簡潔,中間係一個喺微博內經常見到嘅合十圖案,為災民送上祝福,不過Edison就冇講件Tee幾多錢一件。

另外,李彩華(Rain)今晚亦喺微博上載一張著住戲服,誠心祈禱照片,Rain寫道:「求主保守,不要再有天災,讓我們能平安的過每一天,感謝主,Amen。」