童愛玲今日喺中環出席美容產品活動，佢表示囝囝升咗上中學，學校多咗好多測驗：「因為佢返完學都已經好攰，所以我將個時間掉轉，安排佢朝早先温書，自己都要早啲起身陪佢。」

童愛玲又指囝囝現時開始長高，身邊多咗唔少女同學：「以前啲女同學成日蝦佢，但0依家就會同佢玩，早幾日佢仲同我講同成班女同學食飯。」問到怕唔怕囝囝太早拍拖？童愛玲就話反而覺得係好事，因為女士係男士上進嘅動力。