香港嘅電子音樂迷有福了，因為嚟緊有兩組前輩級勁人來港開騷。首先係德國電子音樂先驅團體Tangerine Dream，由Edgar Froese成立嘅Tangerine Dream將於周日（本月26號）於香港浸會大學大學會堂開騷。Tangerine Dream成立於1967，今年慶祝50周年，亦都係首次喺香港演出，可惜元祖Edgar已於前年過身，現時嘅成員包括有2005年加入嘅Thorsten Quaeschning、Ulrich Schnauss及山根星子。

另外，日本知名作曲家、編曲家，當代電子音樂與合成器大師松武秀樹就會於下周一在九龍灣國際展貿中心開騷，松武秀樹係日本前YMO成員之一，曾經同過坂本龍一合作。