28歲連詩雅(Shiga)上年初同百億闊少Anthony分手後，近排佢又有新目標，又有新仔喇!

今日有周刊爆，佢同JW前度Mark拍拖，二人開始戀情冇耐。據知兩人係中學同學，係由Shiga做主動，交往一段時間，Shiga為保護戀情就冇貼阿Mark嘅相，反而Mark就po出唔少有Shiga在場嘅大合照，愛得大方。

據報道講，佢哋今年聖誕都係一齊過，話咁快又箍到個筍盤。Shiga仲帶咗Mark畀好友周柏豪過目。

Mark曾同JW拍過3年拖，外公係金融公司老闆兼關之琳前夫王國旌，Mark媽咪係四洲太子女戴凱欣嘅生意拍檔，細妹Joyce以律師身份選過港姐。