囡囡入院 B仔待哺
星爸媽：楊婉儀 寧願我承受痛苦
蘋果日報 2007/04/21 00:00
Hannah遺傳了媽咪的一雙大眼睛，相當可愛。- Winnie十分着重子女的思維發展，閒時會讀故事書給他們聽。
- 楊婉儀替丈夫王瑞勳誕下一對可愛寶貝，一家四口樂融融。
- Hannah抱着弟弟Jonah，甚有大家姐風範。
- Winnie與愛女合力炮製生果撻，藉此增進二人感情。
楊婉儀95年奪得港姐冠軍後加入娛樂圈，最令人留下深刻印象的，莫過於一雙大眼睛。05年，她為丈夫王瑞勳誕下長女王婷知，小女兒遺傳媽咪水汪汪的大眼睛，兩母女有如餅印一樣，Hannah最近又剪了個Bob頭，活像一個會走路的洋娃娃。
兩母女日前合力炮製生果撻，Hannah看到枱上七彩繽紛的水果，早已垂涎欲滴，Winnie吩咐她按步驟做生果撻，Hannah先伸手抓起藍莓，正當要放在撻上時，卻忽然改變主意，並將藍莓放進口中，相當為食。
兩母女日前合力炮製生果撻，Hannah看到枱上七彩繽紛的水果，早已垂涎欲滴，Winnie吩咐她按步驟做生果撻，Hannah先伸手抓起藍莓，正當要放在撻上時，卻忽然改變主意，並將藍莓放進口中，相當為食。
冇覺好瞓
Winnie看到饞嘴的囡囡，即回想起Hannah二月時患腸胃炎的慘痛經過，Winnie說：「佢年廿九又屙又嘔入醫院，見到佢隻手仔要吊鹽水，心痛死我，佢住咗四日醫院，出院仲瘦到得20幾磅。」其時，Winnie剛剛誕下幼子王思峻（Jonah），要為囝囝餵母乳，因此要醫院屋企兩邊走，她說：「嗰時我一日都瞓唔到幾個鐘，囡囡喺醫院瞓着，又要即刻返屋企餵奶，我明明係好攰，不過一埋位湊仔，一股好強嘅精力就唔知喺邊度湧出嚟，或者呢啲就係母愛。」
不過無論多辛苦，子女帶給Winnie的樂趣，是沒有東西可以取代，Winnie有感而發的說：「我真係估唔到做媽咪原來咁開心。」她揚言不惜一切代價去換取Hannah和Jonah的健康和快樂：「我真係好想可以保護佢哋一世，希望佢哋成世都開心，我寧願幫佢哋承受晒痛苦。當然我知道係冇可能，總之我能力範圍，都畀最好嘅佢哋。」
自Hannah和Jonah出世後，Winnie兩夫婦的社交生活都改變，Winnie說：「我哋兩公婆成兩年未試過單獨食飯，又流失晒好多朋友，不過就換咗另一班有仔女嘅家長朋友，大家一坐低就交換湊仔心得。呢種係另一種生活，我一樣咁享受。」
攝影：陳慧安
場地、食物：港麗酒店
本欄逢周六刊出
自Hannah和Jonah出世後，Winnie兩夫婦的社交生活都改變，Winnie說：「我哋兩公婆成兩年未試過單獨食飯，又流失晒好多朋友，不過就換咗另一班有仔女嘅家長朋友，大家一坐低就交換湊仔心得。呢種係另一種生活，我一樣咁享受。」
攝影：陳慧安
場地、食物：港麗酒店
本欄逢周六刊出